Actes notariés de 1581 à 1590

9 mai 1582

5 E 8581 - Tabellionnage rural de Réthoville - folios 42 et 43, acte 64-45
Photos et transcription de Jean-Marc RAOULT

Page 1 :

\64/
\Fait/
\45/
L'an mil cinq cent quattre vingtz et deux le neuf jour
de may à Restoville, viron huit hoeures de
mattin, fut présent Guillemin Groult filz et héritier
de deffunct Jean Groult de la parroesse de Fermanville.
Lequel, volontairement vendit, quita et déloissa
affin etc à Jean Raoul filz Guillaume de ladite parroisse
de Fermanville, à ce présent pour luy etc. C'est
à scavoir ung champ de terre assis à Fermanville
au trans de Lacre (1) contenant une vergie ouviron et
tel etc. Jouxte les hoirs Jean Boytel filz Robin
et es hoirs Jacques Raoul, des costés butte
sur le chemin tendant à la Rozière et sur le chemin
tendant à la mer, tant de butz que de costés. Et
fut ladicte présente vente faicte par le prix et somme
de deux escus ung tiers en principal, quictés [et]
présentement payés en mains dudict Groult en espèces
de testons (2) et réalles (3) de cinq soulz (4) pièce, avecquez
cinq soulz tournoiz (5) pour vin dont du toult etc. Pourquoy
il promest ladicte présente vente garantir vers etc et tenus
quicte de toultes choses quelzconques fors et réserve de
bailler par escript à la sieurie de Fermanville dont

Page 2 (Feuillet déchiré en haut et à droite) :

\May/
\1582/
\43/
ladicte terre est tenue à confition de d[roit de]
retenue par ledict vendeur et à luy accord[é par]
ledict achapteur de pouvoir retirer et desg[ager]
ledict champ de terre, toultes et quantesfoys [qu'il]
luy playra par en rendant ladicte somme,
tous aultres loyaulx constages ; et à la charge
que ledict Raoul n'entreta en possession de [ladicte]
terre au jour Sainct Gille prochainement venant, a [esté]
accordé entreulx. Et à ce etc, il oblige [tous biens.]
Tesmoings, Robert Marest de Tourlaville, [maitre]
Nicollas Allix de Réthoville qui ont sig[né et]
marqué comme tesmoings à la notte de ce présent av[ec]
lesdictes partyes suyvant l'ordonnance.
                                             5549
       Guyot                       Lescripvain
         33                                1582

  1. Aujourd’hui est-ce le lieu-dit nommé les Monceaux de l’Acre ? Entre Fréval et Fort Joret, à l'est de Fermanville.
  2. Teston = ancienne monnaie portant la tête du prince, originaire d'Italie au 15ème siècle. Louis XII, roi de France, en fit frapper en 1513. Henri III les remplaça par les pièces de 20 sous.
  3. Réalle ou real = ancienne monnaie originaire d'Espagne et du Portugal. Henri II, roi de France, en fit frapper à son effigie.
  4. Sou = ancienne monnaie datant au moins des Mérovingiens. Comme monnaie de change, le sou vallait 1/20è de la livre (5%).
  5. Tournois / Parisi = Deux systèmes de monnaies - les livres, deniers et sous parisis (de Paris) ainsi que les livres, deniers et sous tournois (de Tours) - ont cohabité jusqu'à Louis XIV. La livre parisi était plus forte d'un quart par rapport à la livre tournois mais le monarque a choisi de ne garder que les comptes en monnaie tournois. Il est vrai qu'en Val de Saire, bien avant cette décision, nous ne voyons compter qu'en monnaies tournois et jamais en monnaies parisis.

23 mai 1582

5 E 8581 - Tabellionnage rural de Réthoville - folios 51-52, acte 73-54
Photos et transcription de Jean-Marc RAOULT

Page 1 :

\73/
\Fait/
\54/
\Déloissanze d'héritage/
\à charge de traizième/
\de/
\Fait/
L'an mil cinq cent quattre vingtz et deux, le vingt-trois
ième
jour de may à Sainct Pierr Eglise, fut présent
Jean Le Clerc filz Pierre. Lequel remist, quitta
et déloissa affin etc à Perrinne veufve de deffunct
Symon le Coustour, tous de la parroisse de
Fermanville, à ce présente pour elle etc ung champ
de terre assis audit lieu de Fermanville, en trans
du castel, contenant une vergée ouviron et tel etc.
Jouxte ledict Le Clerc d'ung costé et Collin
La Ronche d'aultre, butte sur Jacquez Du Val,
plus à plain déclaré, borné et devisé au
contract de ladicte vente quy faicte en avoir esté
audict Le Clerc par ledict deffunct et ladicte
Perrine sa femme, passé devant lesdicts tabellions le
  ème jour de        l'an mil cinq cent quattre vingtz et

Page 2 :

\52/
\May/
\1582/
lequel l'a promys bailler à ladicte veufve p[our]
a[voir] e[t pocéder] etc. Et fut ladicte présente déloissance
faicte suyvant la condition apposée audict contract,
montant la somme de six escus deux tiers [d'escus]
qu'il a confessé avoir eulx et receulx dont etc. Pourq[uoy]
il promest ladicte présente déloissance de son faict ga[rantie]
seulement, à la charge par ladicte vefve d'à ce présente
garantir et descharger ledict Le Clerc du traizième
dudict contract envers la sieurie de Fermanville d'où ladicte
terre est tenu. Et a esté etc il oblige biens etc. Tesmoings
Richard Le Court sergent royal de Brethevile et Guillaume
Dancel de Théville qui ont signé comme tesmoings
à la notte de ce, présents avecquez ledict Jean LeClerc
suyvant l'ordonnance.               5549
                                            Lescripvain
                                                  1582

26 mai 1582

E 8581 - Tabellionnage rural de Réthoville - folio 54, acte 77-58
Photos et transcription partielle de Jean-Marc RAOULT

Page 1 :

\77/
\58/
\Fait/
\Vente tenue de Fermanville/
\Deux escus. Sept sols six deniers vin/
Dudict jour (1), lieu et an, deuxième hoeure après [medi,]
fut présent Richard Le Duc filz Guillaume de la par[roesse]
de Cosqueville. Lequel, volontairement vendit, quicta
et deloissa affin etc à Jean Raoul filz Guillaume
de la parroesse de Fermanville à ce présent pour luy etc. C'est
à scavoir un bougon de terre qui f[a]it la moitié
d'ung champ contenant quinze perques ouviron et tel etc
assis à Fermanville en trans de Aval Lacre (2). Jouxte
Jacques Auvray et Michel Bourdet à cause de sa
femme, es costés butte sur le chemin tendant à
Houledit (3) et sur Noël Groult des butz. Et fut
ladicte présente vente faicte par le prix et somme
de deux escus en principal, quictés et présentement payés
en mains dudict vendeur en espèce de testons et réalles,
avecques sept soulz six deniers tournoiz pour le vin, dont du
toult etc. Pourquoy il promest ladicte présente vente
garantie vers etc. Et tenu quicte de touttes choses générallement
quelzconques, réserve de bailler par escript à la sieurie

Page 2 :

de Fermanville d'où ladicte terre est tenue à condition
de desgager retenue par ledict vendeur et à luy
accordée par ledict achapteur de pouvoir
retirer et desgaiger ladicte présente vente dens du
jour d'huy en deux ans prochainement venants pour en rendre
ladicte somme et tous loyaulx constages ; à telle
condition que sy allors dudict ratraict sy faict
est (4) ladicte terre estoit compostée ou en disposition
de labour, ledict achapteur ou ses hoirs en
jouyronlt pour lever l'engressement en payant par chacun
an au prorata de ladicte somme à dix pour cent.
Et à ce etc il oblige biens etc. Tesmoings messire
Pierre Le Canu, prebtre curay de Fermanville et
Robert Guéret de Maupertus quy ont signé comme
tesmoings à la notte de ce présent avecques
lesdictes parties, suyvant l'ordonnance.
                                    5549
                               Lescripvain
     Guyot                     1583
        33

  1. 26 mai 1582, à Barfleur ? Cf. acte 75-56 folio 54 verso.
  2. Aval Lacre : actuellement le « Monceaux de l’acre » ?
  3. Houledit : actuellement le « Petit Houlledrie » ? Voire l'« Ollenderie » ?
  4. Sy faict est : s'il se trouve que.

5 juin 1582

5 E 8581 - Tabellionnage rural de Réthoville - folio 55, acte 79-60
Photos et transcription de Jean-Marc RAOULT

Page 1 :

\79/
\60/
\Fait/
L'an mil cinq cent quattre vingtz et deux, le cinq jour
de juing à Resthoville en la maison et escriptoire
dudict Lescripvain, viron huit hoeures de mattin. Fut

Page 2 :

\Rapport d'héritage/
\[Vente tenue] de Fermanville/
\deux escus vin, 16 escus 2 deniers/
présent Marin DuVal de Fermanville. Lequel vendit
et transporta affin etc à Marguerin Raoul
dudit lieu de Fermanville, à ce présent pour luy
etc, toult et tel marché et vente d'héritage que
faute avoir esté audict Du Val par Noël Bourdet
de la parroesse de Théville, de deux champs de
terre assis à Fermanville en trans de Equerdebreque
contenant deux vergées de terre ouviron et telz etc. Jouxte
Ollivier Gallien d'ung costé et Richard de
la Planque à cause de sa femme, d'oultrepart
butte sur le chemin tendant à Cherebourg et Pierre
Le Clerc et sa femme, tant de butz que de
costés ; tenus de la sieurie de Fermanville.
Et fut ladicte présente vente et transport faict
par le prix et somme de saize escus deux
tiers en principal, quictés, payés et comptés
en mains dudict Du Val vendeur, en espèce d'escus
francz, d'argent et testons avecque deux escu
pour le vin, dont il se fuct content et bien
payé. Pourquoy il promest ladicte présente vente
et transport garantir vers etc et tenu quicte de
toultes choses quelconques, réserve de bailler
par escript seulement à la sieurie de Fermanville dont
ladicte terre est tenue. Et à ce etc il oblige
biens etc. Tesmoins Nicollas Lescripvain, Guillaume Osbert
et Ollivier Allix, tous dudict lieu de Restoville
quy ont signé et marqué comme tesmoins à la notte
de ce ; présent avecquez ledict Marin Du Val suyvant
l'ordonnance.                            5549
             Jean                        Lescripvain
            Guyot                           1582
               33

2 novembre 1582

E 8581 - Tabellionnage rural de Réthoville - folios 100-101, acte 13-122
Photos et transcription de Jean-Marc RAOULT

Page 1 :

\13/
\Fait/
\122/
L'an mil cinq centz quattre vingtz et deux, le
le deuxme jour de novembre à Carneville
viron sept hoeures de mattin. Fut présent Jean

Page 2 :

\101/
\Novembre/
\1582/
\Vente tenue de Fermanville/
\6 écus 2 tiers, 10 soubz vin/
Le Roy filz Jean de la parroesse de Fermanville, l[equel]
de sa pure et franche volnntée vendit, quicta [et]
déloissa affin etc à Jean Raoul de ladicte par[roesse]
de Fermanville pour luy etc. C'est à scavoir ung
champ de terre assis en ycelle parroesse de Fermanville
en trans de derrière le hamel contenant cinquante
perques et tel etc. Jouxte les hoirs Jean Boytel,
les enfans de Guillaume Le Viconte, des costez butte
sur Robin Le Roy et sur grebvet (1) des butz.
Et fut ladicte vente faicte par le prix et somme
de vingt livres reduictz à six escus deux
tiers que icelluy Raoul a présentement payez entre
les mains dudict Le Roy en francz et testons,
realles et monnoye ; à condition retenue de
pouvoir desgager ledict champ par ledict vendeur
et accordée par ledict achapteur toultesfois
et quantes qu'il plaira audict vendeur. Et
sy lors du ratraict ladicte terre estoit
compostée, icelluy Raoul en jouyra au prorata
de ses deniers pour en lever son engreys. Et
pour le vin a esté payé par ledict Raoul
la somme de dix soubz tournoiz. Promectant ledict
Le Roy garantir ladicte terre vers toultes personnes
fors et réserve de bailler par escript à la sieurie
de Fermanville d'où ladicte terre est tenue. Et à ce etc
ils obligent chacun biens etc. Tesmoings Guillaume Le
Lou et Robert Bodet, tous de Carneville, quy ont
signé comme tesmoings à la notte de ce présentement avecquez
ledict Le Roy suyvant l'ordonnance.      5549
             Gyot                                      Lescripvain
               33                                             1582

  1. Grebvet = Les grèves ?

-> Faire le lien entre cet acte et un acte de 1596 conservé dans le chartrier de Bellanville (Cosqueville) dans lequel Jean RAOUL fils Jean, de Fermanville, acquiert une terre de Jean BOYTEL fils Jean.

8 novembre 1582

5 E 8581 - Tabellionnage rural de Réthoville - folios 103 et 104, acte 17-126
Photos et transcription de Jean-Marc RAOULT

Page 1 :

\17/
\126/
\Faict audict Jacquez/
L'an mil cinq cent quattre vingts et deux, le huitme jour de
novembre, à Carneville, viron dix hoeures de mattin,
fut présent Jacques DuVal de la parroesse de Fermanville.
Lequel a quicté et déloissé à Robin DuVal
estant filz xxxxx de Ollivier DuVal filz aysné
dudict Jacques et à Guillaume du Val et Jean Du
Val, ses fils, et à Marin duVal fils soubzagé de Pierres
DuVal filz dudict Jacques, absent, puysné, en ladicte
succession. Voyant que ledict Jacques ne peult
plus aproffitter sesdicts héritages, il leur a accordé
qu'ilz jouycsent de ses héritages, maisons et
mesnages par quart jusques après le décez
dudict Jacques. A la charge par les dessusdicts
présentz qu'ilz fairont par chacun an de rente audict

Page 2 :

\104/
\Novembre/
\1582/
Jacques leur père, Chacun de soy par quart le m[oyen de]
six bouesseaulx d'orge et un escu chacun par chacun
an durant la vie de leurdict père. Et en cas que
les untz enfans failliroiens à faire le paysment à
leurs père d'an en an, icelluy se pourra remettre
en la pocession de sesdicts héritages sans aulcune
diligence de procez faire sur euls. Et pourra
icelluy père, par ce moyen, demeurer à telle maison
qu'il luy plaira sans acquérir [comoditté] avecquez
celuy qui en sera jouychant. Et en cas que lesdicts
subzagez ou aultres pour luy ne luy vouldroient
accord de ce présent ledict Jacques jouyra par sa
main de la part dudict soubzagé. Et néanlmoins que
ledict soubzagé ne fust de la co[modi]tté dudict Jacques
ny des aultres ses enfans, icelluy Jacques a
a donné audict soubzagé la somme de dix escus.
Lesquelz sont demeurés entre les mains de Guillaume
DuVal à ce présent pour les employer pour
ledict soubzagé et les mettre à son proffit ou les
mettre en rente au proffilt d'icelluy soubzagé. Le
toult à la charge par lesdicts enfans de
payer ledict rente deubvée à cause desdicts héritages ;
outre la persion dudict leur père. Et à ce etc
ilz obligent biens etc Tesmoins à ce Guillaume
Le Lou et Michel Moullin de Carneville quy
ont signé et marqué comme tesmoins à la notte
de ce présent avecquez lesdictes partyes suyvant
l'ordonnance.                      5549
                                     Lescripvain
      Guyot                           1582
         33

23 mars 1583

5 E 8581 - Tabellionage rural de Réthoville - folios 139 et 140, acte 173-64
Photos et transcription de Jean-Marc RAOULT

Page 1 :

\Vente tenue de/
\Fermanville 3 escus 1 tiers/
\10 soubz vin/
Dudict jour (1), lieu et an et hoeures devant
dicts.
Fut présent Jean Le Roy filz François. Lequel vendit,
quicta et déloissa affin etc à Marguerin Raoul,
tous de la parroesse de xxxxxxxx Fermanville à ce présent,
pour luy etc C'est à scavoir une buttière de terre
assize à ladite parroesse entrans des Aubiers contenant
ung tiers de vergie ouviron. Jouxte ledict Raoul
d'ung costé et Collecte Resmon, d'aulltre butte sur
Collin Le Clerc filz Thiénot et sur le chemin tendant
à l'essart tans de butz que de costez. Et
fut ladicte présente vente faicte par le prix et somme
de troys escus, ung tiers en principal, quictés
et présentement payez, comptez et nombrez es mains
dudict Le Roy avecques dix soulz tournoiz pour le vin.
Le toult en espèces de francs et realles
dont etc pour quoy il promist ladicte présente vente
garantir vers etc. Réserve de bailler par escript à

Page 2 (Haut droit du feuillet incomplet) :

\140/
\mars/
\1583/
la sieurie de Fermanville d'où ladicte terre est tenue.
Condition de descharge retenue par ledict vendeur et à
luy accordée par ledict achapteur de pouvoir retyrer
et desgaiger ladicte présente toultefoys etc. [déclare] en rendre
etc
à telle condition que si allors dudict ratraict
ladicte terre estois compostée ou en disposition de
labeur, ledict achaptateur ou ses hoirs en jouyronlt
pour lever l'engraye en payant par chacun an au
prorata des deniers à dix pour cent. Et à ce etc
ilz obligent chacun biens etc. Tesmoings, Denys Auvrey
de Maupertus et Pierre Gocselin de Théville quy ont
signé et marqué comme tesmoings à la notte de ce présentement
avecques lesdictes partiez suyvant l'ordonnance.
                                           5550
      Guyot                      Lescripvain
        33                               1583

  1. 23 mars 1583

A noter :

-> E 11319 - Registre Notarial Saint-Pierre-Eglise - Folio 338
Le 16 décembre 1695, Maistre Massé Raoult de Fermanville fait délaissance à Maistre Jacques Vindard, capitaine de Fermanville, un champ de terre du contient d'une vergée ou viron, en la campaigne des Aubiers, audit lieu de Fermanville.

-> 5 E 11349 - Registre notarial Saint-Pierre-Eglise - Folios 54 et 55
Le 21 février 1725, Maitre Jacques Raoult fils Macé de la paroisse de Fermanville fait délaissance à Maistre Simon Vindard, prêtre dudit lieu de Fermanville, un champ de terre en trans des Aubiers, en la campagne des Aubiers, contenant une vergée ou viron, audit lieu de Fermanville.

13 mai 1583

5 E 8581 - Tabellionnage rural de Réthoville - folio 161 (1)
Photos et transcription partielle de Jean-Marc RAOULT

Extrait :

[...]
\May/
\1583/
Aulbin Le Vachier ausdictz Louys et Jean Freret à [...]
de fieffe d'héritage selon les lettres passées devant
Macé Raoul et Jean Lyot tabellions en dabte le huict
me jour de janvier l'an mil cinq centz quarante quattre, y recognoitre
sy mestier est. Et est ce faict pour audict payzment
et continuation de ladicte rente sans renforcis sentence de loy.
Et de laquelle rente lezdictz Le Vachier et le Le Caillet
ont accordé entreulx que ledict Le Vachier est
subiect en payer troys boesseaulx et ledict Le Caillet
a payer lesdictes quattre aultres bouesseaulx. Et à ce etc
Lesdicts Le Vachier et Le Caillet oblige chacun biens etc.
Tesmoings Nicollas Regnouf de Varouville et
Jacques Mahault de Clitourp qui ont signé et
marqué comme tesmoings à la notte de ce présent avecques
lesdictes parties, suyvant l'ordonnance.
                                             5550
           Guyot                  Lescripvain
             33                            1583

  1. L’an mil cinq centz quattre vingt et troys, le vendredi traizeme jour de may à Restoville en la maison dudit Lescripvain.

20 juin 1583

5 E 8581 - Tabellionnage rural de Réthoville - folios 169 et 170, acte 20-210
Photos et transcription de Jean-Marc RAOULT

Page 1 :

\20/

\Fait/

\210/

L'an mil cinq centz quattre vingtz et troys le

vingtme jour de juing à Fermanville. Fut présent

Guillaume Raoul filz Thiénot dudict lieu, lequel

suyvant la vente faicte à Jean Le Clerc par

Page 2 (Haut droit du feuillet déchiré) :

\170/
\juing/
\1583/
\210/
\Déloissance tenue/
\de Fermanville/
Henry Gallien de la condition d'ung champ de [terre]
assis entrans du clos au Breton, le toult recogneult d[eub ?]
à la lettre de vente passée devant lesdicts tabellions
le vingtme jour de septembre, l'an mil cinq centz soixante
et dix sept, ledict Raoul a quicté et deloissé
audict Le Clerc ledict champ de terre moyennant et
par
ce que ycelluy Le Clerc l'a remboursé ledict
Raoul du prix [accord] tenu à ladicte lettre de vente
tant en principal que aultres loyaulx constages
montant la somme de sept escus ung tiers
en espèces d'escus et francz d'argent, pourquoy
il promist la présente déloissance de son faict
garantir seullement. Laquelle lettre de vente a esté
baillée audict Le Clerc présentement et par ce
présent ledict Raoul recueillera le bled labouré
sur ladicte terre en payant par au prorata du temps.
Jouxte et selon qu'il est contenu audict contract.
Et à ce etc. Ilz obligent chacun biens etc Tesmoings
Denys Perrine et Collin Le Clerc dudict lieu
de Fermanville qui ont signé et marqué comme
tesmoings à la notte de ce présent avecque ledict
Raoul suyvant l'ordonnance.       5550
                                                Lescripvain
         Guyot                                  1583

27 juillet 1783

5 E 8581 - Tabellionnage rural de Réthoville - folio 187, acte 43-233
Photos et transcription de Jean-Marc RAOULT

Page 1 :

\43/
\Fait/
\233/
Dudict jour (1), lieu et an, viron une hoeures
après mydy.
xxxxxxxxxxxxxxxxxxxxxxxxxxxxxx
Fut présent Estienne Jouenne, lequel vendit et
consigna affin etc à honneste homme Gilles Raoul,
tous de la parroesse de Carneville, à ce présent pour
luy etc, le nombre de quarante soulz tournoiz de
rente à prendre, recepvoir et avoir pour le temps
advenir par généralle ypothècque au terme sainct
Jean Baptiste par voye et manière de consigne sur tous
ses biens etc. Et fut ladicte présente vente et
consignation faicte par le prix et somme de six
escsus deux tiers en principal, quités et payez
des mains dudict Jouenne ainsy qu'il confessoit

Page 2 :

\vente de rente/
\ypothèque/
avoir receu en espèces contenues à l'ordonnance
avecques cinq soulz tournoiz pour le vin, dont du
toult etc. Pour quoy etc. Et laquelle rente
il pourra retyrer à une ou deux foys sy
re le veult par en rendant à chacune foys
au prorata de ladicte somme de tant qu'il
en retyrera. Et à ce etc il oblige biens etc.
Tesmoings maitre Gratien Lyot de lieu Rétheville
et Girard Le Goubey de Sainct Pierre Eglise qui ont
signé comme tesmoings à la notte de ce
présent avecques lesdictes partiez suyvant l'ordonnance.
                                 5550  
Gyot                   Lescripvain
  33                           1582

  1. le 27 juillet 1583

11 avril 1584

5 E 8582 - Tabellionnage rural de Réthoville - folio ?
Photos et transcription partielle de Jean-Marc RAOULT

\Délivré Gyot/
\9/
\déloissance de/
\rente ypothèque/
Dudict jour (1), lieu et an [cinq]
heures après midy, fut présent Jean Boytel
de la parroisse de Cosqueville. Lequel [vendit]
et déloissa affin etc à Margueritte [veufve]
Marin Le Dormeur de ladicte parroisse,
à ce présente pour elle etc le nombre [...]
tournoiz de rente que ladicte veufve avoit à jour [...]
vendue et consignée audict Boytel par contract [passé]
devant Guillaume Raoul et Jean Lyot tabellions [? troy]s
de septembre mil cinq cents soixante et six. Lequel
ladicte veufve recueillera desdicts tabellions pour an[nexe.]
Et fut ladicte déloissance faicte moy[ennant]
que ledict Boytel confessa avoir esté r[emboursé]
de tous ledict prix et constage qu'il en av[oit esté]
et contenus audict contract avecques ce confes [en avoir]
esté bien payé des arréages de ladicte r[ente] es[té]
précédemment ce jour d'huy dont du toult etc. Pour[quoy]
il promest ladicte présente déloissance gar[antie et]c. Et
à ce etc. Il oblige biens etc. Tesmoings Maitre Jean Dy[enis ?]
de Vrasville et Richard Dyenys de Cosqueville quy ont [signé]
comme tesmoings à la notte de ce présent avecques ledict B[oytel]
suyvant l'ordonnance.
                                                         Lescripvain
                                                              [...]8

1 : le 11 avril 1584

21 septembre 1584

5 E 8582 - Tabellionnage rural de Réthoville - folio ?, acte 34-27.
Photos et transcription partielle de Jean-Marc RAOULT

Page 1 :

\Ledit Tousart/
\adioint/
\34/
\27/
\Fait/
\Vente de rente/
\Foncière/
L'an mil cinq centz quattre vingtz et quattre, le
vingt et unième jour de septembre à Vrasville en la
maison où demeure à présent Jean Nord (1) filz Jehan,
viron une hoeure aprez midy. Fut présent François
Boytel filz etritier de deffunct Margaut
Boytel de la parroisse de Cosqueville. Lequel
vendit, quicta et déloissa affin etc à Richard et
Jacques Castille fres et communs en biens, de
ladicte parroisse de Cosqueville, à ce présentz pour
eux etc. C'est à scavoir le nombre de quattre
boysseaulx de froment mesure de Restoville,
et six soulz, le toult de rente foncière et antierre
que ledit Boytel avoit droit de prendre et
avoir sur Estienne Doublet filz Bertrand, de
Resthoville, par la deloissance quy faicte
en avoit esté audit deffunct Margaut Boytel
stipulant pour Guillaume son filz lors soubzagé, par
deffunct maitre Guillaume Raoul. Lequel Raoul
avoit icelle acquise de Thomas Castille, père
desdits Richard et Jacques frères, auquel ladicte
rente apartenoit à cause de Jenne Monnoye
sa femme comme héritière de deffunct Yvon Monnoye

Page 2 :

\22/
\septembre/
\1584/
selon qu'il est bien amplement contenu et dabté par
les lettres, sentences et contractz concernans le droict
de ladicte rente. Scavoir, par le contract de ladicte
vente faicte par ledict deffunct Castille establisse
pour ladicte Jenne sa femme audict deffunct Raoul,
passé par devant Jean Lyot et Pierre Le Jeune,
tabellions, le vingt septième jour de juillet, l'an mil cinq centz
soixante et quattre, et par le contract de la
déloissance faicte par ledict deffunct maitre Guillaume
Raoul audict deffunct Margaut Boytel stipulant
pour ledict Guillaume son filz, comme dit est passé
par devant les Raoul et Lyot, tabellions, le huict
ième jour de juing l'an mil cinq cent soixante et sept.
Lesquelz deux contractz avecques lesdictes lettres et
sentences dabtées par lesdicts contractz, ledict Boytel
a présentement baillées ausdicts frères pour leur servir
à eulx fère payer à l'advenir de ladicte rente
et annexer etc. Et fut ladicte présente vente et
transport faict par le prix et somme de neuf
escus en principal, quictés et payez es mains dudict
Boytel en espèces contenues à l'ordonnance du
roy notre sire, présentement tenant lesdicts tabellions et
tesmoings cy aprez desnommez, avecques vingt
soulz tournoiz de vin dont du toult etc. Pourquoy
il promest ladicte présente vente et transport garantir
vers etc. Mesmes, ledict Boytel a baillé à recueillir
ausdicts Castille, frères, l'arrerage de ladicte
rente quy eschoirra de ladicte rente au
terme sainct Michel prochain venant, moyennant
le paysment qu'ilz luy en ont faict dont etc
à condition de pouvoir retirer ladicte rente toultesfois
etc. Et à ce etc ilz obligent chacun biens etc. Tesmoings
Jacquez Guillotte de Névillle, Jean Robine et Jean Nord (1)
filz Jean, demeurant audict lieu de Vrasville, quy ont
signé et marqué.
                                             5551
          1584                      Lescripvain
        Tousart                         1584

1 : Nord = Nordet ?

23 mai 1590

5 E 8584 - Tabellionnage rural de Réthoville - folios 36 à 37, actes 53 à 55
Photos et transcription très partielle de Jean-Marc RAOULT

Acte 53 :

Ledict jour (1) audict lieu [...]
Fut présent vénérable personne maitre
Guillaume Gallien, prebtre curé de Sainct Pierre
d'Artheney et héritier en sa partie de Jacquez
Galien par la permission qu'il a faicte
à ses enfans de faire partage de ses
héritages et rentes. Lequel remist et déloissa
afin etc à Gilles Gallien filz Michel
de la parroisse de Fermanville, héritier en
sa partie de deffunct Cardin Gallien [...]
rente ypothèque [..] que ledict
Cardin en avoit fecte audict Jacques Gallien passée
par devant Macé Raoul et Jean Liot
tabellions le quinze ièsme jour de janvier l'an mil
cinq cent et LVII [...]
Tesmoings Jean Raoul
filz Guillaume de Fermanville et Rogier
Le Marchand de Théville qui ont signé etc.

  1. le 23 mai 1590.

Acte 54 :

Ledict jour (1) audict lieu et an et heures [...]
Fut présent Gilles Gallien filz et héritier de deffunct
Michel Gallien de la parroisse de Fermanville.
Lequel volontairement vendit et consigna affin etc
à vénérable personne maitre Guillaume Gallien prebtre curé
de Sainct Pierre d'Artheney [...] six soulz de rente
[...] Tesmoings Jean Raoul
dict Constant de Fermanville et Rogier Le
Marchand de Théville qui ont signé [...]

  1. le 23 mai 1590.